Shillong Student choir-ten UK-a international music festival-ah pakhatna la
United Kingdom-a international music festival neihah, International A Capella Group category-ah Shillong Student Choir, Aroha Junior Choir chuan mark 91 hmu in pakhatna an ni.
71st Choral competition hi Llangollen, Wales-ah July 2 aṭanga 8 inkar khan neih a ni a, zaipawl 40 vel an intihsiak.
Aroha Junior Choir hian Zirtawpni khan Wales, US, England leh Canada aṭanga choir lokal te nen final-ah inelna an nei a, mark 91 hmu in pakhatna an ni ta a ni.
Final-ah hian Jamey Ray-a hla Disney Fly Medley leh Randy Crawford hla One Day I’ll Fly Away’ chu sa in pakhatna an nihpui. Aroha Junior Choir-ah hian Shillong-a school hrang hrang leh community hrang hrang bakah kohhran hrang hrang aṭangin member an tel a ni. Sacred, classical music, Indian folk music bakah hla hrang hrang, contemporary aṭanga jazz thlengin an sa a ni.