Meghalaya loneituten sum lalut hnem

India ram chhunga state hrang hrang zingah Meghalaya state-a loneitute sum lakluh zat chu a sang ber.

Lok Sabha inkhawmah loneitute sum lakluh chungchanga zawhna sorkarina chhannaah hei hi tarlan a ni a, Meghalaya dawtah Punjab leh Haryana-a loneitute chu chawhrualin thla khata sum lalut tam an ni bawk.

Meghalaya-a loneitute sum lakluh hi chawhrualin thla khatah Rs 29,000 a ni a, Punjab-ah Rs 26,000 leh Haryana-ah Rs 22,000 a ni. Hetih lai hian India ram pumah loneitute sum lakluh chu chawhrualin thla khatah Rs 10,000 vel a ni.

He data hi National Statistical Office (NSO)-in kum 2019 January - December chhunga ram chhunga rural area-a Situation Assessment of Agricultural Households and Land and Livestock Holdings survey a neih aṭanga siam a ni.