Manipur CM-in khum 50 awmna tur field hospital lungphum a phum

Manipur chief minister N Biren Singh chuan Noney district-a Longmai part-1-ah Thawhlehni khan khum 50 awmna tur, field hospital sakna tur lungphum a phum.

He hospital hi State Health Society, National Health Mission hnuaiah sak a ni dawn a, a sakna atan hian cheng vaibelche 3.5 ruahman a ni.

CM Biren Singh chuan kum 2022, March 31-ah hospital thar hi peihfel hman a nih tur thu a sawi. State sorkar chuan Kamjong, Tengnoupal leh Pherzawl-ah field hospital dang pahtum sak a tum bawk tih sawiin, hna pawh ṭan thuai a ni ang, a ti.