AP-in brand ambassador atan Sanjay Dutt ruat

Arunachal Pradesh sorkar chuan state a nih champha vawi 50-na lawmna tur pual atan state brand ambassador-ah Bollywood star Sanjay Dutt a ruat a, brand advisor-ah award-winning filmmaker Rahul Mittra a ruat bawk.

Sanjay Dutt chuan a twitter-ah AP sorkarin brand ambassador atana a ruat avanga a lawmthu tarlangin, state kum 50 tlinna lawmna puala media campaign neih pawh a nghahhlelh thu a sawi. Chief minister Pema Khandu, Legislative Assembly speaker Pasang Dorjee Sona leh Rahul Mittra-te nena an thlalak ho a tarlang a ni.

Dutt leh Mitra-te hian January 20, 2022 - February 20, 2022 chhunga Arunachal Pradest state diamond jubili lawmna neih tur atan media campaign an nei dawn a ni. Dutt hian tourism lam chawilarna tur promotional video hrang hrang a siam dawn ang.