Nagaland police-ten 'Call Your Cop' Mobile Application siam

Nagaland police-te chuan buaina chhuak ṭhinte venna tur kawng khat atan, mipuiten awlsam taka police-te an biakpawh theihna tur, 'Call Your Cop' mobile application an siam.

Nagaland director general of police (DGP) T. John Lungkumer chuan Kohima-a police headquarters-ah mobile application hi tlangzarhin, he App hmang hian ṭanpui ngaite chuan police-te an bepawp thei dawn a ni, a ti. Tunlai khawvelah Information Technology (IT), internet, leh mobile-te chu hmang ṭangkai thiam a ṭul thu a sawi.

He hmalakna hi state police-te thuam chak leh tihchangtlunna tur a ni bawk a, hemi rual hian tharum thawhna leh buaina chhuak ṭhin venna tur atan tih a ni bawk a ni, a ti.

Mobile App an siam hi Google Play Store aṭanga download theih turin dah nghal a ni a, state mipuite bakah khualzinte tan pawh a ṭangkai dawn hle a ni.