Tourist site-ah INA headquarters siam dawn

Manipur chief minister chuan Moriang Konjengbam Leikai-a Indian National Army (INA) headquarters chu historical tourist site-ah siam a ni dawn tih a sawi.

INA headquarters hi world-class tourist destination-a siamna turin state sorkar chuan hma ala ṭan tawh a, hemi atan hian cheng vaibelchhe 35 a ruahman.

He hmun hi Indopui II hunlaia INA sipai huaisenten Indian hnam puanzar an lo zarna hmun kha a ni. Helai ram hi mimal ram neite chuan lo humhalh zelin, a hnuah zángnadawmna pek an nih chuan sorkar hnenah hlan an remti ta a ni.

Chief Minister chuan ram neituten kum tam tak chhung helai ram an lo humhalh leh, sorkar kuta hlan an remti chu lawmawm a tih thu a sawi. Complex-ah hian INA-in office atana an hman ṭhin pawh a la awm reng a ni.