Assam-in Ratan Tata chawimawina hlan dawn

Assam sorkar chuan an state-in civil mi hnena chawimawina a hlan ṭhin sang ber, Assam Baibhav chu Tata Trust neitu, Ratan Tata hnenah a hlan dawn.

Ratan Tata hi Assam state tana cancer care siamna kawnga a thawh hlawk avangin he chawimawina hi hlan a ni dawn tih sorkar chuan a sawi.

Tata Trust hian ‘Advantage Assam – Global Investment Summit’ in 2018-ah khan state chhungah cancer care unit 19 siam turin Assam sorkar a thawhpui a tum tih sawiin, hemi atan hian memorandum of understanding (MoU) pawh an ziak tawh a ni.

Heng hospital-te hi three-tier system-a siam an ni dawn a, L1,L2 leh L3 division hnuaiah sak an ni ang. Ratan Tata hian cancer care unit siamna tur lungphum pawh a lo phum tawh a ni.