AP CM-in hydro project a hawng

4th December, 2021

Arunachal Pradesh chief minister Pema Khandu chuan Ningani khan Zemithang khuaah Sumbachu Small Hydropower Project (SHP) a hawng.

2X1.5 MegaWatt power station hi state sorkar hnuaia Hydro Power Development Corporation of Arunachal Pradesh Limited (HPDCAPL) in a sa a ni.

CM chuan he project hi Zemithang leh a chhehvel khuate bakah, ramri-a Indian Army duty-ten an chhawr ṭangkai dawn tih a sawi a, HPDCAPL-in a hun taka project an zo thei chu lawmawm a tih thu a sawi bawk.

Sumbachu SHP hi HPDCAPL-in project a siam zawh hmasa ber niin, kum 2030-ah chuan state chhungah hian small and mini hydro power project hmang hian power 2000 MW an siam chhuak thei tawh dawn a ni.