MU VC chhuahtir vat a nih loh chuan A sawhkhawk a na hle ang: MUSU

Manipur University Students Union (MUSU) chuan July 9, Thawhṭanni khan thuchhuah siamin sorkar laipui chu Manipur University VIce Chancellor Professor AP Pandey chhuahtir a nih hun tur ni tiam turin an ti.

MUSU bakah hian Manipur University Teachers Association (MUTA) leh Manipur University Staffs Association (MUSA) ṭangkawp chuan Thawhṭanni aṭang khan VC chhuahtir tur hian chaw ngheiin nawrh an huaihawt a ni.

MUSU thuchhuah siam chuan University buaina state sorkarin a chingfel vat lo chu an hriatthiam loh thu an sawi a, VC hi chhuahtir vat a nih loh chuan a sawhkhawh chu a na hle dawn niin an sawilawk bawk.

Zirlai pawl te hian VC nawrchhuah tum hian ni 36 vel nawrh an huaihawt tawh a, MUTA leh MUSA-te hian an thlawp bawk a ni.