Arunachal Pradesh CM in inkalpawhna Ngaipawimawh turin NEC ngen

Arunachal Pradesh Chief Minister Pema Khandu chuan DoNER ministry leh North Eas­tern Council (NEC) hnen­ah Hollongi-a greenfield airport project-ah rua­hman sa bakah pawisa pek belh turin a ngen.

Hollongi greenfield airport project atan hian cheng vaibelchhe 195.90 ruahman a ni.

Shillong State Con­vention Centre-a NEC 67th plenary session neihnaah Pema Khandu chuan an state capital-a airport neih chu an duh­thusam a nihna a rei tawh thu sawiin Arunachal mipuite chuan nghakhlel takin an thlir mek tih a sawi.

Arunachal Pradesh chu hmarchhaka a area ngaihtuaha kawngpui nei tlem ber an nih thu a sawi a, hemi a nih avang hian inkalpawhna chu ngaihpawimawh sak turin NEC chu ngenin kawngpui chu chu ngaipawimawh bik turin a ngen bawk.NEC chu hmarchhaka kawngpui lian tak tak siamna tur project kalpui turin a ti a ni.

Trans-Arunachal Highway project pawh ṭha taka kalpui a nih thu sawiin, khawchhia leh leimin tam avangin hna a khaihlak deuh tih a sawi a, highway hi siam zawh a nih hunah chuan Assam kawngpui kaltlang lo in ramchhung hmun dang a tlawhpawh thei tawh dawn tih a sawi.