Meghalaya MPSC building beih a ni

Meghalaya police-te chuan Meghalaya Public Service Commission (MPSC) building chu Thawhlehni zing khan misual tu tih hriat loh ten an beih thu sawiin, an chhuizui mek thu an sawi.

Thawhlehni zing dar 8 velah khan misual tu tih hriat loh te chuan MPSC building chhungah hian petrol bomb an vawm lut a ni.

East Khasi Hills Superin­tendent of Police (City), Steve Rynjah chuan chhui chian mek a nih thu leh comment pek nan chuan a la hma deuh tih a sawi. Engvanga bei nge an ni tih hriat a la nih loh thu leh kil hrang hrang aṭangin a chhui hna an thawh thu a sawi.

Home Minister Rajnath Singh-an NEC 67th Plenary Session a hmanpui laia thil thleng ni mah se Police SP chuan HM in a tlawhna nen chuan inzawmna a neih a rin loh thu a sawi.

Rynjah chuan building beih a nih hnu lawk hian mi pahnih building aṭang hian an lo chhuak tih report a awm thu sawiin, heng mi pahnih te hi ringhlel mah se thuchiang engmah a la awm lo tih a sawi a ni.