AP: Lei upa tawh tak aṭangin kum za chuanga upa chain ru

Arunachal Pradesh-a lei upa tawh tak, Chakzham Bridge-a chain, kum za chuang zata upa tawh chu mi tu tih hriat loh ten an ru.

Chain ruk a ni tih hi July 8 khan hriatchhuah a ni chauh tih report chuan a tarlang. Lei enkawltu chuan July 7 zan vela ruk bo a nih an rin thu a sawi.

Mukto thingtlang khua aṭanga inspection nei tura kalte chuan chain hi metre 15 vel chehchah a ruk bo a nih thu an sawi a ni. Mukto panchayat member hlui leh GB ni bawk Mirba leh Gomkyelling te chuan chain bo thu hi Jang police station-ah report in complain an thehlut nghal bawk.

Kum zabi 15 leh 16 bawr vela sak Chakzham Bridge-a chain te hi ruk bo an lo ni zeuh zeuh tawh a, 2015 pawh khan tun ami ang deuh chiah case hi ziahluh a lo ni tawh a ni.

Chakzham Bridge hi Tawang Chu lui chunga dawh a ni a, Mukto khua aṭang hian km 25 vela hlaa awm a ni. He lei hi Dalai Lama hmasa ber hnung zuitu Tangton Gyalpo, Lama Chag-Zam Wangpo (1385-1464) tia hriat lar in a dawh a ni.

He lei hi thir lam chanchin zirmi te tan chuan thil hlu tak niin thir ṭha tak hman a ni a, kum zabi 15 leh 16 inkar vel khan Tawang Chu lui chungah hian dawh a ni a, Lama Chag-Zam Wangpo hi architech niin, philosopher leh chain brigde siamtu a ni bawk a ni. Himalayan region-ah thir lei 100 chuang a dawh avanga hriatlar a ni nghe nghe.