Tripura sorkarin BanAdhikar App leh NGDRS tlangzarh

Tripura sorkar chuan land document chhinchhiahna tur, National Document Registration System (NGDRS) leh forest patta land chhinchhiahna tur, GPS-based mobile application, BanAdhikar a tlangzarh

Union rural development minister Giriraj Singh chuan virtual-in Tripura BanAdhikar Mobile App leh NGDRS hi a tlangzarh a, he hun hi chief minister Biplab Kumar Deb leh revenue minister NC Debbarma ten an hmanpui.

Giriraj Singh chuan CM Deb leh a kaihhruai sorkar chu fakin, he an hma lakna hmang hian ram (land) kaihhnawih thil hrang hrangte chu mipuiten an hre thei dawn a, Forest Rights Acts hnuaia tribal patta holder-te pawh ram neitu nihna chungchangah a pui thei dawn a ni, a ti.

State official-te chuan Tripura chu India ram state zingah BanAdhikar app hmang hmasa ber a nih thu an sawi.