Meghalaya-in khualzin lut turte tan kaihhruaina siam

Meghalaya sorkar chuan Covid variant thar, Omicron darh zel avangin invenlawkna atan an state khualzin luh turte tan kaihhruaina a siam tha.

State sorkar chuan Europe, UK, South Africa, Brazil, Bostwana, China, Mauritius, New Zealand, Zimbabwe, Singapore, Hong Kong leh Israel ram atanga lutte chu entry point-ah RT-PCR test ti vek turin a ti. International passenger-te an test negative a nih pawhin, ni sarih chhung inkhung hrang zel tura tih an ni bawk a,ni riatnaah test nawn leh an ni ang.

India ram pawn leh ram chhung hmun dang atanga Meghalaya kal tumte chuan state sorkarin portal a siamah an in register lawk vek a ngai bawk a ni.