TET certificate lem chungchangah Assam police-ten thubuai ziak lut

Assam police-a Criminal Investigation Department (CID) chuan Bodoland Territorial Region (BTR)-a Teachers Eligibilty Test (TET) certificate lem siam kaihhnawihah mi 40 lakah thubuai a ziak lut. An zinga mi 33 te hi zirtirtu an ni a, middlemen pasarih an tel bawk.

Phek 1,175 a chhah charge sheet hi Kamrup Metro chief judicial magistrate hnenah thehluh a ni a, thuhretu mi 106 hming leh finfiahna hmanrua 38 an thehlut tel a ni.

Cetificate lem buaipuitu leh palai atan an hman nia puh, middleman zingah hian sorkar college-a lecturer pakhat leh, sorkar hnathawk dang pathum pawh an tel. Zirtirtu, TET pass certificate lem neite chuan middleman-te hnen atang hian cheng nuai telin an lei a, he certificate lem hmang hian hna an hmu a ni. Certificate lem print-na press pawh he thubuai chhui chhung atan khar sak a ni bawk.