MBBS seat pekdanah Assam lakah Meghalaya lungawi lo

Meghalaya Health and Family Welfare Minister, AL Hek chuan Ningani khan Assam Health Minister Himanta Biswa Sarma hnenah lehkha thawnin Assam sorkar in Meghalaya tan kuminah MBBS seat hnih chiah a dahsak chu an lawm loh thu a sawi.

AL Hek chuan Assam sorkar thutlukna siam chuan an lung a tihawi loh thu a sawi a, Assam state ṭhendarh dawna an inremna siam nen pawh a inmil lo tih a sawi bawk. Hek chuan Assam sorkar chuan a thutlukna chu a siamṭhat leh a ngai a ni, a ti.

Meghalaya sorkar hian Assam sorkar hnenah hian MBBS seat 10 an ngiat thu an thawn tel bawk a ni.

Hek chuan Meghalaya tan chuan seat 10 tal dah a ṭul thu sawiin, Assam Medical Colege-ah pali, Guwahati Medical College-ah pali leh Silchar Medical Colkege-ah pahnih tal dah a ni tur a ni, a ti. Hei hi Assam state ṭhendarh a nih dawna an inremna nen pawh a inmil chiah niin a sawi.

Nikum pawh khan Assam hian seat pahnih chiah a lo pe tawh a, mahse Meghalaya chuan hei hi court hnenah thlenin court thupek angin seat 10 an dahsak leh ta zawk a ni.