Meghalaya: KHADC inthlan hun tikhawtlai

Meghalaya-a Khasi Hills Autonomous District Council (KHADC) politics mumal lohna chuan ziaawm lam a pan thei lo a, Ningani chawhnu dar hniha inthlan tura ruahmanna awm pawh tihkhawtlai leh a ni.

Chief Executive Mem­ber (CEM) inthlan tura rua­hmanna awm vek tawh chu Council chairman L.G. Nong­siej rin loh tak maia a ban thut avangin tihkhawtlai leh a ni a, Zirtawpni chawhma dar 11-a neih tura ruahman a ni leh ta thung a, he thu ziah lai hian chanchin kimchang erawh hriat hman a ni lo.

KHADC-ah hian Deputy Chairman an awm lo a, hetih lai hian Chairman ber Nongsiej hian Legislative secretary hnenah banna lehkha hi Ningani zingah khan a thehlut a ni.

Hemi chungchangah hian politician senior, NPP MDC, Hispreaching Son Shylla chuan Chairman banna thehluh chu a hun lo hle tih sawiin, CEM inthlan zawh hun a nghak law law lo chu mak a tih thu a sawi.

Shylla chuan chairman in banna a thehluh hian chairman chu a chak tawk lo tih a lantir niin a sawi a, amahin thutlukna a siam ngam lohzia lantirna a nih thu a sawi bawk.

EC hmasa chu Deputy Chairman ruat duh lohah puhin hei hian buaina a tipun­lun niin a sawi bawk a ni.