Nagaland: State hrang ngiatin pungkhawm

Nagaland-a Eastern Nagaland Peoples’ Organisation (ENPO) chuan state hrang, Frontier Nagaland an ngiatna chu chhunzawmin Ningani khan eastern district-ah an pungkhawm.

State hrang ngiata punkhawmnaah hian eastern district chhunga pawl hrang hrang an tel ṭha hle a, ENPO kaihhruaina hnuaiah state hrang an duh thu lantirna thuziak te an keng a ni.

He punkhawmnaah hian ENPO Preisdent, Kekongchim Yimchunger chuan thu sawiin, Eastern Nagaland chu eng thuneihna hnuaiah mah a awm ngai loh thu sawiin, Nagaland in state a neih hnuah pawh Eastern Nagaland mipuite chu an zirna kawngah leh economic-a an hamṭhatna tur chhuhsak an ni ṭhin tih a sawi.

Hemi a nih avang hian an ṭhat tlanna tura danglamna thlen a ṭul thu a sawi a ni. ENPO Presi­dent chuan Frontier Naga­land an ngiatna chu eng­mahin a dang emaw a tinep dawn lo tih a sawi bawk.

He hunah hian Chang Tribal Council (CTC), Sangtam Union Tuen­sang Town (SUTT), Khiamniungan Union Tuensang Town (KUTT), Yimchunger Union Tuensang Town (YUTT), All Ward Union Tuen-sang Town (AWUTT), Confederation of Chang Students Union (CCSU), Phom Union, Chang Women Organization (CWO) leh Head GB Tuensang Town te pawhin thu an sawi a ni.