Manipur University VC puhna Chhuichiang turin UGC in panel din

University Grants Commission chuan Inrinni khan thuchhuah siamin zirlai pawlten Manipur University vice chancellor Aditya Prasad Pandey an puhna hrang hrang chhuichiang tur panel an din tih a sawi.

HRD Ministry thu­chhuah chuan Manipur state sorkar in a ngenna anga panel din an nih thu a sawiin, thla tawpah committee chuan report an thehlut dawn tih a sawi. Report azir hian hremna lekkawh dan emaw, hmalak dan tur emaw chu thutlukna an la siam chauh dawn tih an sawi bawk.

Manipur University Students Union (MUSU), Manipur University Teachers Association (MUTA) leh Manipur University Staffs Association (MUSA)-te chuan VC Pandey chhuahtir tur hian nawrh an huaihawt mek a, MUSU in nawrh an huaihawt aṭang phei chuan thla khat aia tam nawrh hi huaihawt a ni tawh a ni.

Ministry thuchhuah chuan state sorkar chuan dan leh thupek kenkawhna kawngah buaina nasa zawk tawh an hlauh avangin Aditya Prasad Pandey pawh chawlhtir hrih turin an ngen bawk tih an sawi.