Ramchhunga Haemorrhagic stroke case tamna ber hmarchhak
The Lancet Global Health-a tarlan angin zirchianna an neihah India rama Haemorrhagic stroke case tamna ber chu hmarchhak a ni.
Zirchianna an neihah 2015 chhung khan kum 30-69 inkarah, mi pathuma zela pakhat chu haemorrhagic stroke vang hian an thi nia tarlan a ni a, hei hi national average aiin a let thumin a tam thu an tarlang bawk.
Haemorrhagic stroke hi BP sang lutuk vanga thluaka thisen zam puak vanga awm a ni a, hmarchhaka hemi case tamna chhan chu hypertension vang emaw chi(salt) ei tam lutuk vangin emaw a ni thei a ni.
The Lancet Global Health-a tarlan dan chuan cardiovascular disease, a tlangpuiin ischaemic heart disease leh stroke vangin kum 2015 chhung khan India ramah mi maktaduai 2.1 in nunna an chan bawk.
Zirchianna hi mi 472,113 thihna aṭanga neih a ni a, kum 2001 aṭanga 2013 inkarah khan kum 15 chunglama thihna thleng chu zirchian niin cardiovascular disease vang hian mi 111,977 an thi tih an hmuchhuak.
Stroke vanga mipa thi tamna zingah hian hmarchhak state zawng zawng bakah West Bengal leh Chhatisgarh an tel a, hmeichhia stroke vanga thi tamna state-ah pawh hmarchhak state zawng zawng bakah West Bengal, Odisha leh Chhatisgarh an tel bawk.