Manipur: Kolkata aṭanga car ruk bo eng emaw zat Imphal-ah hmu

Anti-vehicle theft depart­ment te chuan kar hmasa khan beihpui thlakin Kolkata aṭanga lirthei rukbo pakua chu Imphal-ah an hmuchhuak.

Heng lirthei te hi February leh April inkara ruk bo an ni hlawm.

SP Imphal East, Megha­chandra chuan an ngenna angin July 6 khan Anti-vehicle theft department, Kolkata team te chuan Imphal hi an thlen thu sawiin Manipur police-te chuan lirthei an zawnnaah hian an pui a ni, a ti.

Lirthei rukbo 30 vel chu Imphal-ah a awm nia rin a nih thu a sawi. March thla pawh khan Kolkata aṭanga car ruk bo pariat chu Imphal-ah hian hmuh a lo ni tawh a, Kolkata-ah thawnlet leh an lo ni tawh a ni.

Manipur-ah state hrang hrang aṭanga lirthei rukkhawm hralh a awl avangin lirthei ruk tam tak hi khalh luh a ni ṭhin.

Imphal East SP chuan heng car ruk te hian man mumal an nei lo tih sawiin an dinhmun azirin an hralh mai ṭhin niin a sawi. Alto car ṭhenkhat chu cheng sing riat vel pawha lei theiha a awm ṭhin thu a sawi a ni.