Tripura: Tea auction centre tur ruahman

Tripura Tea Develop-ment Corporation chuan Guwahati leh Kolkota auction centre ringawt ring loa anmahnia auction centre an neih ve na turin ruahmanna an siam tih an sawi.

Tripura hian kumtina a thingpui tharchhuah, kg maktaduai chuang chu Assam leh Bengal-ah hian action trading turin an thawnchhuak ṭhin a ni.

Inrinni liamta khan Corporation Chiarperson Santosh Saha chuan Tripura Tea Development Corporation chu hlawkna tam tak siamchhuah nana hman an tum thu sawiin, Tripura brand thingpui pawh siamchhuah an tum tih a sawi a, Assam leh hmundanga thingpui te chu an elpui dawn tih a sawi.

Tea Industry hmanga eizawng an tam thu sawiin heti chung hian heng hnathawk tam zawkte hi an socio-economic status a hniam hle tih a sawi a, corporation chuan hemi kawnga hmasawnna an neihna tur pawh hian hma an la dawn tih a sawi bawk.

Tripura-a thingpui huan 58 awm zingah hian corporation hian pathum chiah a enkawl a, a dang 42 hi chu mimal enkawl niin 13 dang chu cooperative society in an enkawl thung.