Hmarchhaka NGDRS nei hmasa ber Manipur

National Generic Document Registration System (NGDRS) chu Zirtawpni kalta khan hmarchhaka a hmasakna ber ni turin Manipur- a New Mini-Secretariat, Bishnupur-ah tlangzarh a ni.

Manipur hi hmarchhaka NGDRS nei hmasa ber an nih bakah India ramah nei hmasa pathumna an ni a, Punjab leh Andaman & Nicobar Island tih lohah chuan a nei hmasa ber a ni.

NGDRS tlamgzarhna hian chief guest, CAF & PD, Revenue Minister Karam Shyam chuan National Generic Document Registration System chu fakin online registration tihna atana a rintlakna leh hun leh pawisa hman tlem zawkna a ni bawk chu ṭha a tih thu a sawi.

State chhunga a hmasa ber atana Bishnupur District Administration in an tlangzarh thei chu sorkar tan chuan thil chhuanawm tak a nih thu leh, ramchhungah pawh hmang thei pathumna an ni chu lawmawm a tih thu a sawi bawk.

Tunlai khawvel chu digital khawvel a nih tawh thu sawiin technology chu nasa taka hman a nih tawh thu a sawi a, Manipur pawhin hemi kawngah hian chak taka hma a sawn ve zel thu a sawi a ni.

Tlangzarhna huna guest of honour Neeta Verma, Director General, NIC chu NGDRS chu generic, cloud based system niin document register digital system hmanga awlsam taka tihna a nih thu leh awmsam zawk leh sum sen tlem zawka tihna a nih thu a sawi.

NGDRS software ṭhenkhat hi chu e-governance, open source technology leh Unicode based multiple local language compliant application-te an ni.