Nagaland: Zeliang-an Rio hnenah lehkha thawn, Citizenship Bill 2016 chung- changa cabinet din-hmun tichiang turin ti

Nagaland chief minister hlui leh opposition leader ni mek, TR Zeliang chuan Thawhṭanni khan Chief Minister Neiphiu Rio hnenah lehkha thawnin Citizenship Amendment Bill 2016 chungchanga state cabinet dinhmun tichiang turin a ti.

Zeliang chuan June 5-a cabinet in thutlukna an siam, bill dodal loh an tih chu hrilhfiah tura a duh thu a ziak bawk.

Eptu pawl hruaitu chuan nasa dodal Citizenship Bill chungchanga cabinet dinhmun chu engnge tih zawtin, meeting an neiha bill dodal lo tih an sawi chu engvanga sawi nge an nih tih zawt bawkin, hetiang thutlukna hi Bill-a thu inziak an hriat loh vang nge hre reng chunga hetiang thutlukna hi siam an ni tih a zawt a ni.

Nagaland Cabinet hian NSF leh mi hrang hrangin nasa takin dodal mah se June 5-a meeting an neihah Nagaland chu India ram danpui Article 371 (A) leh Inner Line Permit (ILP) regulation in a hum thu sawiin, Naga mipuite himna tur sorkarin bill hmang hian a tibuai dawn lo a nih chuan Citizenship Amendment Bill 2016 hi an dodal dawn loh tur thu thutlukna an siam a ni.

Hetihlai hian Zeliang chuan Article 371 (A) leh Inner Line Permit (ILP) regulation leh Citizenship Amendment Bill 2016 hian inzawmna a neih loh thu a sawi ve thung.