Meghalaya-in Assam hnaih kawngpui dunga dawr khar tir

Meghalaya sorkar chuan a ṭhenawm state, Assam-a Covid-19 an pun belh zel avangin Assam ramri hnaih, Byrnihiat aṭanga Rania area-a Assam pawhtu kawngpui dunga dawrte chu nimin aṭang khan a khar tir vek a, July 15 thleng khar an ni ang. 

Thawhṭannia review meeting neihah he thutlukna hi siam a ni a, deputy chief minister Prestone Tysong chuan Ri-Bhoi district DC hnenah a hriattir nghal a ni. Tynsong chuan inter-state movement chu July 15 thleng khap a nih bawk tih sawiin, boruak awm dan a zirin pawhsei a la ngai maithei tih a sawi bawk. India ram hmun danga an state mi tangkhang mekte hruai haw dan chu state sorkar chuan a ngaihtuah chhunzawm zel dawn tih Tynsong chuan a sawi bawk. Hripui leng vanga inkharkhipna kalpui a nih hnuah, Meghalaya-ah hian hmun dang aṭangin tangkhang mi 18,823 an haw tawh a ni. Meghalaya-ah hian Covid-19 kai hi mi 50 an tling tawh a, an zinga 42 chu enkawl dam an ni tawh a ni.