Tuilianin Kaziranga National Park a chim

Assam-a ruahsur nasa avanga tuilian chuan Kaziranga National Park-a hmun tam zawk chu a chim tawh. Tuilian hian Park chhunga camp 146 chuang a chim tawh a, Orang National park-a forest camp 22 pawh a chim vek tawh a ni. 

Park chhunga ramsa awmte hmun him lama an tlanchhe meka, hei vang hian he park patlang kawngpuia tlan tur motor-te chu an tlan thei hun siamsak an ni. Tuilian remchanga hmanga Park chhunga ramsa pel awmte vengin forest guard-te chu ngawrh takin an duty mek bawk. 

Assam-a tuilian hian ziaawm lam a la pan thei lo a, district pahnihin tuilian hi tawrh belh lehin mi nuai 13 chuang a nghawng tawh a ni. Thlai chinna ram hectare 83,168-a zau a chim tawh bawk. Thawhṭanni khan tuilian vangin mi paliin nunna an chan leh a, kumina tuilian vanga nunna chan hi mi 24 an tling tawh.