Nagaland-a thleng ang kha Manipur-ah pawh thleng thei a ni : HAC chief

Nagaland-a sipaiten hel laka beihpui thlak an tumnaah, an hriatsual nia sawia pawisawi lo civil mi eng emaw zat an kahhlum ang kha Manipur-ah pawh a thleng ve thei a ni tiin Hill Areas Committee (HAC), Manipur-a an chairman, MLA Leishiyo Keishing chuan a sawi.

HAC hotu chuan Nagaland-a civil mi thah chhungte leh hliam tuarte a tawrhpui thu sawiin, Armed Forces (Special) Power Act (AFSPA) avangin security force-ten civil mite chungah pawikhawihna an thlen fo a ni, a ti.

Nagaland ang bawkin sipai hnena thuneihna sang pekna, AFSPA hi Manipur-ah hman a nih avangin Manipur-ah hetiang pawikhawihna hi a thleng ve thei a ni tiin, he dan hi sut turin thuneitute a phut nghal bawk a ni.