Assam : Omicron kai nia rinhlelh mi 4 sample enfiah turin thawn

Assam-a Covid-19 hri kai hmuh chhuah thar zingah mi pali chu Omicron variant an kai leh kai loh enfiah turin an sample chu genome sequencing tih tura thawn a ni. An pali hian Barak Valley-a cheng niin, tun hnaia ram pawn lama zin chhuak vek an ni.

Silchar Medical College and Hospital (SMCH)-a vice-principal Dr Bhaskar Gputa chuan genome sequencing ti turin mi pali-te sample hi Kayani, West Bengal-a National Institute of Biomedical Genomics-a thawn a nih thu a sawi. He hospital-a thawk doctor pali pawh hri an kai tih hmuhchhuah an ni bawk.

Sample an thawn mi pali zinga pathum hi Saudi Arabia aṭanga rawn haw an ni a, Karimgang-a cheng an ni. Pakhat hi Finland aṭanga rawn haw, Cachar-a cheng a ni.