Assam-ah Covid-19 positive pung chak

Assam-ah chuan Covid-19 kai an la pung chak hle a, health minister Himanta Biswa Sarma chuan Thawhṭanni khan hri kai mi 302 leh, niminah mi 41 hmuh belh an nih thu a sawi. Hri kai hmuh thar zinga 172 hi Guwahati khawpuia mi an ni. 

Hri kai thar hmuh belhte nen  Assam-ah hian Covid-19 kai 7,835 an awm tawh a, an zinga 11 in an thihpui tawh a ni. Hri kai zinga 5,333 chu enkawl dam an ni tawh bawk. Sarma chuan hri darh tur venna atan hian test pawh a tam thei ang neih zel a nih thu sawiin, sample test an neih tawh hi nuai li a chuang tawh tih a sawi.