Nagaland lock-down July 15 thleng pawtsei

Nagaland sorkar chuan Thawhṭanni zana cabinet meeting an neih hnuah an state-a hripui leng vanga lockdown puan chu July 15 thleng atan a pawtsei. 

Chief secretary chuan lock­down pawhsei a nih chungchangah thupek tichhuak nghalin, inkaih­hruaina atan chuan May 4 a lo tih­chhuah tawh chu state pumah hman chhunzawm a nih tur thu a sawi. 

Nagaland-ah hian Thawhṭanni khan hri kai hmuh belh mi pariat an awm a, anni nen hian hri kai hmuh tawh hi mi 460 an tling tawh a ni. An zinga 168 chu enkawl dam ni tawhin hri kai mek hi mi 292 an la awm.