Manipur sorkarin frontline worker-te In khung hrang turin a ngen

Manipur sorkar chuan an state-a coronavirus kai enkawltu frontline worker-te chu an duty hun a zawhah anmahni sensoin quarantine centre-a inkhung hrang zel turin a ngen.

Thuchhuah a siamah sorkar chuan doctor leh health worker, hospital  leh Covid Care Centre-a Covid-19 kai enkawltute chu an duty a zawh hunah inkhung hranna atana Home Department-in hotel-a quarantine facility a siamte chu an tan hman phalsak an ni a, mahse senso erawh chu anmahniin an tum a ngai thung ang tiin a sawi.

Sorkar thuchhuah hian sawisel a hlawh zui hle a, an nunna thapa hri kaite enkawl hna thawktu, anmahni senso hmanga inkhung hran tir a tum chu thil tihawm lo tak nia an ngaih thu an sawi hlawm. Manipur-ah hian hri kai hi 1,227 an awm tawh a, Thawhṭanni zan khan hri kai hmuh thar hi 42 an awm leh a, an vai hian state dang aṭanga haw vek an ni. Hri kai zinga 544 chu enkawl dam ni tawhin, enkawl mek 733 an awm.