SC reservation tihtlem hi dan kalh a ni : Sikkim SC association

Sikkim-a North District Scheduled Caste Welfare Association chuan Thawhlehni khan Sikkim-a Scheduled Caste-te tana sorkar hnaa reservation tihtlem chungchanga SC aiawh te an ngawi reng chu SC aiawhte thiam loh a nih thu leh, reservation tihtlem chu dan kalh a nih thu an sawi.

Association chuan re­servation tihtlem chung­changa SC aiawh te an ngawi reng chuan SC Community te rilru a tina hle tih an sawi a, dis­trict youth president Suren Biswakarma-an thu­chhuah a siamah chuan sorkar hnaa SC reser­vation 7% aṭanga 4%-a tihtlema, 5%-a tihsan leh chu dan kalh a ni, a ti.

Association thu­chhuah chuan Sikkim-a political party ṭhenkhat chuan SC te dikna chanvo chu an ngaipawimawh lo hle niin an sawi bawk.