Assam-ah Britannia in Manufacturing unit din dawn

Britannia Industries (BIL) chuan Assam-a Ranpur-ah greenfield manufacturing facility an din dawn.

Rampur-a manufac­turing unit an din turah hian cheng vaibelchhe 200 invest tum dawn a, heta ṭang hian Briatannia pro-duct te chu hmarchhak hmun hrang hrangah thawn darh a ni leh dawn a ni.

Britannia hi biscuit company lian tak niin Rampur-a an manufactu­ring unit aṭang hian kum khatah biscuit tonne 60,000 vel an siamchhuak hman dawn nia sawi a ni bawk.

Britannia hian Assam-ah hian maufacturing unit pahnih an nei sa a, tuna an siam leh tur nen hian pathum an nei tawh dawn a, unit pahnih an neih aṭang hian tunah hian kum khatah tonne 30,000 vel an siamchhuak mek a ni.

Varun Berry, mana­ging director, Britannia Industry chuan Thawhṭanni khan clearance an neihna tur atana sorkarin a puihna chu lawmawm a tih thu sawiin khatiang reng renga puihna nasa kha hmundangah an la hmuh ngai loh thu a sawi. Britannia chuan cheng vaibelchhe singkhat man hu sumdawnna a kalpui mek a, ram 75-ah an inzarpharh tih a sawi. Hmarchhak bikah hian an sumdawnna chu kum khatah cheng vaibelchhe 600 hu vel kalpui a nih thu sawiin, Assam bik hian an sumdawnna zawng zawnga 8% vel an contribute ve tih a sawi bawk. Assam-a Brittania company industry pathum atan hian cheng vei­belchhe 350 vel invest niin a sawi bawk.

Berry chuan Assam sorkar in South East Asian ramte nena insum­dawn tawnna lam a hawi nasat avangin heng ramah te hian hemi kaltlang hian an product te an thawnchhuak ve thei dawn tih a sawi. An thil siamchhuah te chu an tihdanglam hret hret thu leh food company pangngai tak an nih chhoh thuai tur thu a sawi. Assam chu International market hmun ṭangkai tak atana hman chhoh an tum thu a sawi a ni.