Manipur-ah NPP-in BJP thlawp chhunzawm dawn

Manipur-a BJP kaihhruai sorkar thlawpna hnukdawktu, National People's Party (NPP) MLA pali-te chuan an party hotu leh BJP hruaitute nena inbiakna an neih hnuah, BJP thlawp chhunzawm zel an tum leh a, banna an thehluh

pawh an hnukdawk leh a ni. 

NPP MLA-te hi BJP kaihhruai sorkar thlawpna an hnuhdawh hnuah NPP president Conrad Sangma leh Assam health minister, NEDA covenor Himanta Biswa Sarma-te chuan Imphal-ah an  kawm nghal a ni. Guwahati-ah hruai thlain, heta ṭang hian Delhi-a BJP hruaitu lute kawm turin an hruai thla leh a ni. Conrad Sangma hoa union  home minister Amit Shah leh BJP president JP Nadda-te an hmuh hnuah inremna an siam thei ta a ni. 

Manipur-a an kir leh hnuah Govenor Najma Heptulla hmuin, an banna thehluh an hnuhdawh thu leh, BJP kaihhruai sorkar chu an thlawp chhunzawm dawn tih an hrilh. Sangma chuan NPP MLA palite hi council of ministers-ah an awm leh vek dawn tih sawiin, an portfolio erawh thlak danglam a ni dawn tih a sawi.