Tripura-a AIIMS din a nih hunah hmarchhak health sector in nasa takin hma a sawn ang: Tripura CM

Tripura Chief Minister Biplab Kumar Deb chuan Nilaini khan All India Institute of Medical Science (AIIMS) dinna hmun tur Budjungnagar area a tlawh.

AIIMS dinna tur hi Jirania subdivision-a Bud­jungnagar area-ah ram acre 200 chuang dah a ni a, hemi hmun enfiah tur hian Chief Minister hi a kal a ni.

Biplap Deb Kumar chuan damdawi in din a niha facility changkang tak tak dah anih hunah chuan state mipuite chauh chu a chhawr tu an ni dawn lo a, hmarchhak pumpui chu a chhawrtu tur a ni, a ti. Deb chuan ramchhung mai bakah Bangladesh thleng pawhin ṭangkai taka hman a ni dawn tih a sawi bawk.

Chief Minister chuan Budhjungnagar area-ah AIIMS dinna tur ram acre 256 lai mai a mit ngeia a hmuh thu a sawi a, Ministry of Health and Family Welfare chuan healthcare project ram acre 200-a zaua kalpuina tur an dil mek thu a sawi.

Den chuan ruahman anga thil a kal a nih chuan kumin November thla hian damdawi in sak hna ṭan a nih dawn thu a sawi. Damdawi in sak zawh a nih hunah chuan Tripura mipuite chu Chennai, Mumbai leh Kolkata-ah te inenkawl tura an kal a ngai tawh dawn lo a ni, a ti.