Assam-ah dan loa taxi nei te hrem dawn

Assam-a Kamrup District Transport Officer Rafiqul Mannan leh Regional Transport Authority Secretary Bapan Kalita-te chuan Thawhlehni khan dan loa taxi nei te leh khalh te chu hrem an ni dawn tih an sawi.

Distroct Transport Officer chuan Ola-Uber aggregator service hnuaiah cab 460 leh metro cab 1114 chiah in phalna la in taxi an service nia sawiin, hemi chungchang an chhuichiannah chuan Ola-Uber taxi 10,000 chuang nitin service an awm tih a sawi.

Heti a nih chuan dan loa taxi service Guwahati-ah ringawt pawh 7000 vel a awm tih sawiin manchhuah an nih chuan an lakah na taka action lak an tum thu an sawi bawk.

Transport thuneitute chuan Guwahati-a mobile app kaltlanga taxi service te chuan local taxi permit an neih a ngaih thu sawiin heng taxi tam zawk te hian state pathumah permit hmangin an service tih a sawi a, hei hian Motor Vehicles Act Section 66 a bawhchhia a ni, an ti.