Mon khuaah mitthite sunna hun hmang

Nagaland-a Mon khuaa chengte chuan Nilaini zan khan an district chhunga sipaiten civil mi 14 a kahhlumte sunna hun an hmang a, AFSPA hlip turin sorkar laipui an phut nghal bawk.

Sunna hun hmannaah hian kalkhawm an ṭhahnem hle a, sipai kut tuara thite tana rorelna dik an phut thu te, he pawikhawihna thlenga mawhphurtute man chhuah ngei an phut thute an aurualpui a ni.

Konyak Union thurawn angin, Nilaini aṭang khan Moni district hian mitthite hi ni sarih chhung an sun dawn a, hemi chhung hian district chhunga armed force-te an luh an khap a, district chhunga awm sate pawh patrolling nei lo turin an ti bawk. Sipaite hian hei hi an zawm lo a nih chuan, thil duhawm lo zawk a thleng a nih pawhin an mawhphurhna a ni ang, tiin an vau lawk a ni.