Tripura : Education system privatise duh lohna lantir

Tripura-a sorkar school-a zirlai an tlem zel avanga state sorkarin education system privatise a tum chu duh loin, Nilaini khan Students Federation of India (SFI) leh Tribal Students' Union (TSU)-te chuan lungawi lohna an lantir.

Tripura sorkar hian October thla khan sorkar school-te chu private sector hnuaia dah a lo rel tawh a ni.

SFI Tripura unit secretary, Sandeep Biswaas chuan hmun tam taka school din tura an lo beih dante, an chanchin ngaihnawm tak takte chu he policy vang hian tihchhiat vek a ni dawn tih a sawi. Private kuta hlan a nih chuan zirna senso pawh a to chho zel dawn a ni, a ti. He policy hi zirlaite tana ṭha lo a ni tiin, state education system chu thlanah an nawr liam dawn a ni tiin, an pawm ve theih loh tur thu a sawi. Zirna chu sumdawnnaa chantir a nih lohna turin an duh lohna thu hi aupui zel an tum thu a sawi.

Zirlai pawl nawrh huaihawttute chuan sorkar policy ziahna copy hi halin, policy hi sut turin an phut nghal bawk.