Tripura-a CPI-M hruaitu 3-te kum 2 tang turin hrem

South Tripura district court chuan Ningani khan an state-a eptu party, Communist Party of India-Marxist (CPI-M) hruaitu pathumte chu District and Sessionss judge laka mawi lo taka cheah puhin kum hnih tang turin a hrem a, Rs 5,000 ṭheuh chawi turin a ti bawk.

CPI-M hruaitu hremte hi Tapas Dutta, Trikulesh Sinah leh Babul Debnath-te an ni. Kum 2015, September 5 khan bandh huaihawt laia court rorelna a kalpui avangin District and Sessions Judge Rohidas Paul chu court-ah luhkhungin, lawyer dang ho him laiin vauin mawi lo takin an che nia puh an ni.

He thil thleng avang hian hetih laia Tripura High Court chief justice Deepak Gupta chuan police-te hnena FIR ziak lut turin a hriattir nghal a ni. Thil awmdante an chhui chian hnuah police-te hian local court-ah an pathum lakah hian charge sheet an thehlut leh a ni.

Chief Judicial Magistrate, Belonia chuan hruaitu pathumte hremna pek hi kum thum aia a tlem avangin bail an dilna a pawmsak nghal bawk.