Sikkim : Private operator kutah power project 7 dah dawn

Sikkim sorkar chuan sorkar hnuaia hydel power project pasarih, 25MW hnuai lam chin chu RMOT (Renovate, Maintain, Operate and Transfer) basis hmangin private operator-te kutah kum 35 chhung a dah dawn.

Assembly session-ah power minister MN Sherpna chuan Upper Burtuk MLA DR Thapna zawhna a chhannaah hei hi sawiin, heng project pasarihte hi kum 2011, September-a lirnghingin a structure tichhia a, a siamṭhat leh enkawlna tur sum dah a nih loh avangin hna an thawk zui thei tawh lo tih a sawi. He project-te hi hman leh theih an nihna turin RMOT basis hmangin M/s Hanuman Ganga Hydro Projects Ltd hnenah kum 35 chhung enkawl turin pek an ni, a ti.