Assam sorkarin a hnathawkte Kum Thar thilpek atan ni li chawlh pe

Assam sorkar chuan Kum Thar thilpek atan a hnathawkte chu January thla chhungin ni li chawlh a pe.

Sorkar chuan thuchhuah a siamah, "State sorkar hnathawkte chu holiday ni hnih, January 8 leh 9, 2022 thlen hma January 6 leh 7 chu an nu leh pa, an pasal/nupui nu leh pa (parents-in-law) te an tlawh theih leh an bula hun an hman theihna turin chawlh lak phalsak a ni. He chawlh chhung hian minister-te pawh an nu leh pate bulah hun an hmang ve thei dawn a ni," a ti.

Mahse January 6-9 chhunga special headquarters leave siam hian nu leh pa/ parents-in-law dam tawh lote a huam lo thung. Police officer, Superintendent of Police rank chin pawhin he chawlh hi an la ve thei dawn lo bawk.