Tripura sorkarin Buddhist university din remti

Tripura sorkar chuan Sabroom-a Manu Bankul-ah Buddhist university din a remti tih official-te chuan Inrinni liam ta khan an sawi.

State sorkar hian Bahujana Hitaya Education Trust hnenah university din a remtihna lehkha hi a pe a ni.

Official-te chuan university hi din a nih hunah, ram 31 atangin zirlaiten Buddhist literature, culture leh tradition te an zir thei dawn a ni. Heng bakah hian campus chhungah medical, technical leh general degree college te siam tel tum a ni bawk.

Sorkarin remtihna a pek tawh avangin Bahujan Hitaya Education Trust chuan a rang thei angin university din a tumna hmun infrastucture pawimawh a din tur atan Detailed Project Report (DPR) a buatsaih a ngai dawn tih Director of Higher Education Nripendra Chandra Sharma chuan a sawi.

Sabroom MLA Sankar Roy chuan university dinna tur hian ram acre 25-a zau chu Buddhist organisation hnenah pek a nih thu a sawi a, ruahman anga thil a kal theih chuan thla hnih khat hnuah project lungphum phum hman tum a nih thu a sawi bawk.