Tripura sorkar thlalak post-in sawisel a hlawh

Tripura sorkar official twitter-ah Inrinni liam ta khan Motor Vehicle Driving Regulation slogan writing competition poster an post-ah Kolkalta-a Sealdah flyover thlalak dah a ni a, hei hian sawizui a hlawh hle. Mahse a hnuah official handle chuan he thlalak hi a paih leh nghal a ni.

Eptu pawl, CPI(M) leh TMC chuan chief minister Biplab Kumar Deb kaihhruai BJP sorkar chu sawisel nghalin, TMC chuan state sorkarin a hlawhtlinna lantir tuma state dang hnathawh thlalak a tarlang chu thil zahthlak tak a nih thu a sawi. CPI(M) pawhin BJP sorkar chuan hmasawnna hnaa thawhte tarlanna atan Kolkata flyover a hmansak a ngai ta zawk a ni, a ti bawk.

September thla khan Uttar Pradesh sorkarin advertisement a tihchhuahah, chief minister Yogi Adityanath kaihhruai sorkar hmasawnna hnathawh a tarlanah Kolkata-a Maa flyover thlalak an lo dah tawh bawk a ni.