Left Front-in Imphal aiport privatise tum an sawisel

Communist Party of India-Manipur State Council (CPI-MSC) chuan Imphal-a Bir Tikendrajit International Airport privatise tum chu na takin an sawisel.

CPI-MSC chuan airport privatise a nih chuan air fare leh policy dangte pawh a man a san phah vek dawn niin an sawi.

Sorkar laipui chuan ram chhunga airport 25-te chu kum nga chhungin National Monetization Pipeline (NMP) hnuaiah privatise a tum a ni. Heng airport-te hi Bhubaneshwar, Varanasi, Amritsar, Trichy, Indore, Raipur, Calicut, Coimbatore, Nagpur, Patna, Madurai, Surat, Ranchi, Jodhpur, Chennai, Vijayawada, Vadodara, Bhopal, Tirupati, Hubli, Imphal, Agartala, Udaipur, Dehradun leh Rajahmundry-a mite an ni.

Minister of state for civil aviation Gen (Dr) VK Singh chuan kum 2020-21 chhungin ram chhunga airport tam berte chuan hripui leng vanga hun rei tak khar an nih vangin sum an hloh nasa hlawm hle tih a sawi.

CPI-MSC chuan BJP rorel dan chu dictator rorel dan nena tehkhinin, Imphal Airport chu BJP sorkarin a hlawkpui dawn vang ringawtin mi hausa hnenah a hralh ringawt thei lo tih an sawi.