Manipur media-ten Dec 16 aṭangin lungawi lohna lantir tum

Manipur-a print leh electronic media-te chuan state sorkarin December 15-a sorkar advertisement bill man a bat hrang hrangte a pek loh chuan December 16 aṭangin tiam chin awm loa an hna chawlhsan an tum.

Editors Guild Manipur, Manipur Hill Journalists Union leh All Manipur Working Journalists Union aiawhte chu sorkarin advertisment man a batsak chungchang hi ngaihtuahin, hma lak dan tur hi an rel a ni. Hetih lai hian EGM president Khogendra Khomdram leh AMWJU president Wangkhemcha Shaymjai-te pawh biain, an harsatna chu information minister T Bishwajit-a'n a chinfel tur thu a hrilh.