Meghalaya: KSU-in sorkar hna lakna tura interview lai video-a record ngiat

Meghalaya-a zirlai pawl Khasi Students Union (KSU) chuan sorkar hna lak dawnin interview lai video-a record an ngiat.

Hetiang thil an ngiat chhan chu hna dik tak leh fair taka kalpui a nih theih nana ti an nih thu an sawi.

Union president Lambokstarwell Marngar chuan hna lak chungchangah thil felhlel deuh a awm ṭhin thu sawiin, MPSC emaw DSC emaw, sorkar hna lak reng reng chu a langtlangin induhsak bikna a awm tur a ni lo, a ti.

Marngar chuan hna lak chungchangah thil dik takin tih ni ṭhin se chuan ṭhalai hna zawng te chu court-ah kal fo an ngai dawn lo tih a sawi bawk.

Interview hmachhawn tute pawh camera dah a nih chuan an lawm hle tur nia sawiin, anni pawhin an interview lai footage chu an nei ve tur a ni, a ti.