Meghalaya MPSC beihna thubuaiah mi pasarih man

July 10-a petrol bomb hmanga Meghalaya Public Service Commission office beih a nih chhuina kalzelah Inrinni khan mi pasarih an man. Police te chuan an mi man te hming hi an tarlang duh lo thung.

Pawikhawihna atana an lirthei hman nia hriat pawh police te hian an man bawk.

July 10 zing karah khan MPSC office hi petrol bomb hmangin mi tu tih hriat loh ten an bei a, Commission’s Secretary WAB Booth room-ah bomb hi vawmlut in document pawimawh eng emaw zat leh computer bakah thildang eng eng emaw a chhiat phah a ni.

Hemi hnu lawk hian Commission hian FIR an thehlut nghal a, state police-te chuan he thil thleng chhuichiang tur special investigating team (SIT) dinin Superintendent of Police (City) S Rynjah chuan a kaihhruai a ni.

Police-te hian CCTV footage te pawh an enchiang a, MPSC building bula CCTV footage aṭangin mi pahnih building aṭanga tlanchhuak hi an hmu niin an sawi.

Report ṭhenkhat chuan heng an mi man te hian bomb hi an vawm ngei a ni tih an inpuang tawh niin an tarlang.