AP-ah helna a pung

Hmarchhak state dang ang lo takin Arunachal Pradesh-ah chuan helna leh hel te pawikhawihna in zual lam a pan niin report chuan a tarlang.

Parliamentary stan­ding committee on home affairs – Security situation in the North eastern states of India report hnuhnung ber kar kalta Ningani-a tihchhuahah hmarchhak hmun dang zawngah helna leh helte pawikhawihna a tlakhniam laiin Aruna­chal-ah erawh hel-te pawikhawihna a pung tih tarlan a ni.

Kum 2012-a Home Minister leh MP ni bawk P. Chidambaram-a kaih­hruai parliamentary panel report-ah Aruna­chal Pradesh-a helte pawi­khawihna thlen chu hmar­chhak puma 5% chiah a nih laiin 2017-ah chuan 20% a nih phak thu report tharah hian tarlan a ni.

Hemi a nih avang hian committee chuan Aruna­chal-ah chuan venhimna khauh zawka kalpui turin an recommend nghe nghe a ni.