Hmarchhakah Rail Line Project thar

Minister of State for Railways Rajen Gohain chuan hmarchhakah rail­way project thar 15 vel kalpui a nih thu a sawi.

Railway project thar te hi cheng vaibelchhe 55,206 senga kalpui a nih thu sawiin a belhkhawmin km 1,395 vela sei a nih dawn thu a sawi. March thla thleng khan cheng vaibelchhe 18,477 an hman tawh thu a sawi bawk.

Rajya Sabha-a zawhna a chhannaah Rajen Gohain chuan 2018-19 chhung in project kalpui mek thuam ṭhat nan leh project zawh tawhte pawh enfiah leh nan cheng vaibelchhe 4,430 dah a nih thu a sawi.

Gohain chuan project kalpui mek te chu pawisa awm leh awm loh, ramri buai leh buai loh, ramhnuai leh ramsa clearance, ser­vice sawn, work season, ram leilung awm dan leh dan leh thupekah te a in­nghat thui hle tih a sawi a, hemi a nih avang hian pro­ject zawh theih hun tur tak chu sawi a har thu a sawi bawk.