Assam : CBI-in thamna latu NBRF hotu man

Central Bureau of Investigation (CBI) team chuan Thawhlehni khan Guwahati-ah Northern Frontier Railway (NRF) deputy chief electrical engineer, Ranjit Kumar Borah chu thamna sum a lak vangin an man.

CBI team hian thang kamin, Rajit Kumar Borah leh Patna-a private company-a thawk pakhatin thamna, cheng nuai 15 an inpe lai tak an man niin thuchhuah an siamah an tarlang. Borah leh midangte lakah thubuai pawh ziahluh nghal a ni a, thubuai siam sak zingah hian Patna-based Sun Shine Devices Private Limited director Chintan Jain, Jain-a mi chhawr Niraj Kumar bakah an hming tarlan loh sorkar hnathawkte pawh an tel.

NRF hotu hian private company director hnenah hian dan kalha an company tana duhsakna a lo lantir tawhna leh, nakin zelah pawh thil tihsak leh tiamin thamna cheng vaibelchhe 2.10 pe turin a phut nia sawi a ni. Heng pawisa hi installment-in a pe a, hei hi manchhuah tumin CBI chuan thang an kam a, Rs nuai 15 an inpek lai takin an nang fuh ta a ni.